الجمبرى الصغير اعملة ازاى

5 تعليقات

fatakat

انا عندي طريقه حلوة يا رب تعجبك

المقادير حسب كميه الجمبري اللي هاتعمليه

بعمل صوص
طماطم +بصل + ثوم و بضربهم فى الخلاط مع ملعقه صلصه صغيرة و بضيفهم للجمبري المقشر و يستوي مع بعض لحد ما ينضج و الصوص يتقل ( الصوص ميبقاش كتير زياده عن اللزوم )
و بضيف بقدونس مقطع صغير جدا و كمون و ملح و توابل سمك

و بيتقدم مع أرز السمك

و فى طريقه تانيه بس دي مع المكرونه

بسلقه مع المكرونه و لو عندك كاليماري مقطع شرائح صغير و بعد ما اصفيهم كويس

بشوح فصين ثوم مع زبده و ملعقه زيت و معاهم ذرة صفراء و بقدونس و مشروم
هتضفيه معاهم و تضيفي الملح و الفلفل و يدوبك يدبلو مش يتحمروا جامدو اضيفهم للمكرونه

و بالهنا و الشفا

fatakat

متزعليش يا عسل
المشكله ان الجمبرى الصغير ده بيخس قوى فى السوى يعنى لو جايبه كيس يادوب يكفى فرد واحد
انا بشطفه علشان يفك وبعصر عليه شويه لمون وملح وفلفل وباجى فى الطاسه اشوح بصلايه مقطعه ووفصين تلاته ثوم وبعدين احط الجمبرى واحيانا ببشر عليه شويه جزر بتدى طعم جميل بس وتخلى النار عاليه علشان بينزل مياه كتير قلبى شويه وبعدين اطفى النار علشان ميخسش كتير
هتعملى رز وسلطه خضرا وطحينه بس انا بصراحه بعملو دايما جنب السمك الفليه المقلى علشان مش بيشبع
يارب اكون افدتك

fatakat

الجمبري البيبي ممكن تعمليه مع الرز .. شوحيه مع البصل بتاع الرز و تضيفي لهم فلفل مكعبات وبطاطس مكعبات وبدنجان مقلي مكعبات
والرز والبهارات وتسقيه عادي وهو هيستوي مع الرز وتبقى وجبه متكامله

او يتعمل بيه بيتزا او حشو للمعجنات
بتتبليه بثوم وملح وفلفل وليمون وكمون وتشوحيه في الزيت على نار عاليه خمس دقايق وتستخدميه

fatakat

برضه ممكن تعمليه بالكاري

شوحي بصله مفرومه في معلقتين زيت وضيفي لها معلقتين دقيق
ولما تتحمر ضيفي الجمبري وممكن تضيفي مكعبات فلفل اخضر وحامي ومكعبات بطاطس مقليه
وتضيفي معلقة كاري وجنزبيل ورشة كسبره ناشفه وكمون
لو عايزه لونه احمر شويه ضيفي بابريكا او معلقه صغيره صلصه
وشوية ميه وسيبيه يستوي عشر دقايق والصوص يتقل وبيتاكل بالعيش او مع الرز

fatakat

و كمان ممكن تعمليه بانيه
تبليه بلمون كتير و توم و كمون و ملح و شطه و سبيه فيهم شويه و بعد كده قلبيه فى شويه دقيق و بعدين نزليه فى بيضه مضروبه و عليها ملح و فلفل و بعدين حطيه فالبقسماط و اقليه بيطلع روووووووووعه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *