المكرونه بالبشاميل

المكرونه بالبشاميل

WINNERA

احبائى فى الله

انا لسه جديده على المنتدى

بس قريت فيه كتير

والاستفاده منه كانت اكبر بكتير

حبيت انا كمان اعرض بعض تجاربى المتواضعه

لعلها تفيد البعض

وان كنت اجد نفسى فى وضع محرج

لوجود هذا الكم من الفتوكات الشطورات فى المنتدى

ولكنها تجربه لعل ما فيها ان يكون جديدا مفيدا باذن الله

بسم الله نبدأ

المكرونه بالبشاميل

كلنا جربناها

كلنا بحبها

والبعض استعصى عليه امرها

عندى طريقه ارجو ان تنال القبول
جربتها وكانت سهله جدا

ولذيذه جدا جدا جدا

هتقلولى هيه ايييييييييييه؟

كفــــــــــــــــايه رغى!!!

اوك اوك اوكككككككككككك

هناخد 3 ملعقه كبيره مليانه دقيق
ونضيف عليها كوب لبن
نخفق بالمضرب السلك
الى ان يمتزجا سويا
وتختفى اى كتل
نقوم باضافة 2.5 كوب لبن كمان
اى ان كل ما اضفناه
يعادل لتر لبن تقريبا
(ممكن خصم مقدار علبة قشده من مقدار اللبن ونضيف القشده بداله)
وذلك لطعم اجمل

المهم فتوكاتى حبيباتى

نرفع الخليط على النارونقلب جيدا
الى ان يغلى
يغطى ويترك جانبا

فى طاسه تيفال ساخنه
بدون اى دهون
نشوح بصله مفرومه قليلا
نضيف اللحمه المفرومه ونقلب
على نار قويه الى ان يتغير لون اللحم وتنضج
نضيف الفلفل والقرفه والملح

تسلق المكرونه وتصفى

نعمل قليل من صلصة الطماطم
بالبصل والثوم
او نستخدم صلصه جاهزه حسب الرغبه

نضع قليل من البشاميل السابق فى صينية الفرن
ندهن القاع والاجناب

فى حلة سلق المكرونه
نخلط ثلثين مقدار البشاميل مع المكرونه
مع اضافة الملح حسب الرغبه

نقوم بصب نصف المقدار فى صينية الفرن
نضع اللحم العصاج
نصب باقى المكرونه

الثلث الباقى من البشاميل يخفق مع بيضه وفلفل اسود
يغطى به وجه المكرونه

والخطوه الاخيره
ممكن ان نرش جبنه موزريلا فوق البشاميل
تعطى مذاق لذيذ
ولكنها خطوه اختياريه

تدخل الفرن الى ان تنضج
وصحتين وعافيه

ااااااااااااه نسيت اقولكم
دى مكرونه 3*1
يعنى

سهله
خفيفه
وموفره

ارجو ان تنال رضاكم

ملاحظه
بلاش الناس اللى بتمر على المواضيع
مرور الكرام
الرجاء ابداء الراى والتقييم

مضطره اقوم
هارجع تانى لاستكمال الموضوع سلام مؤقتا

المكرونه بالبشاميل

3 تعليقات

fatakat

رجعتلكم تانى ويا رب يكون كلامنا خفيف عليكم

ممكن نفس طريقة البشاميل السابقه

نضيف عليها فصين تلاته توم

متشوحين فى قليل من الزيت

او الزبده

ويبقى بشاميل مناسب جدا لمكرونه بالجمبرى

وساعتها طبعا هنشيل اللحمه

ونستبدلها بالجمبرى

ههههههههههه

بس هنحمره او نشوحه

الى ان يكون نص سوى

نقلبه مع المكرونه

ونتبع نفس الطريقه السابقه

وبالهنا والشفا

اه نسيت اقلكم

انا كمان بألغى كمية الصلصه من الوصفه

fatakat

محشى الكرنب

انا فى الحقيقه جربت طريقه سهلته عليه جدا

ايه هيه؟

هقولكم….

انا يا ستى بجيب الكرنبه

واحطها فى كيس

وعلى الفريزر

زى ما هى كده

تقعد لها كده كام يوم

بعدين اطلعها تفك

نص فكه بس

لو مش هحتاجها كلها

واقشر ورقه ورقه بمنتهى السهوله

واما فى السلق بقى

مش هقول اد ايه سهل

وتسلقى كذا ورقه مع بعض

مع اضافة زى ما انتو عارفين

ملح وكمون لمية السلق

بعدين قطعى واحشى زى ما تحبى

وشوفى السهوله

يا رب الفكره دى تعجبكم

fatakat

توتة الكتكوتة:
طريقتك جميلة فى المكرونة بالبشاميل هجربها انشاء الله بس انا لى اضافة انا لما بعملها مش بعمل طبقة مكرونة وطبقة لحمة وبعدين مكرونة لا بقلب بخط معلفتين او تلاتة كبار بشاميل على المكرونة كلها وبخط اللحمة كمان وبقلبهم مع بعض كويس وبعدين بخطها فى الصنية واحط البساميل بقى فوق الوش مع البيضة بتبقى حلوة جدا والله و اللحمة وهى متسبكة بالطماطم او الصلصة بتبقى تحفة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *