طريقة سهلة وبسيطة لعمل المكرونة بالجمبرى و الكريمة

طريقة سهلة وبسيطة لعمل المكرونة بالجمبرى و الكريمة

نور حبيبة ماما

بسم الله الرحمن الرحيم
اخواتى الفتوكات
امبارح بليل كان الجوع ماسك فى بطنى وزهقت من الجبن و الفول فقولت ادخل النت واشوف حاجة اعملها
لاقيت طريقة عمل المكرونة بالجمبرى و الكريمة اللبانى
طبعا الكريمة اللبانى غالية
وانا كنت كتبت موضوع عن عملها فى البيت وهى طريقة سهلة
هكتبها بسرعة
1 كوب ذبادى
1كوب لبن
1 معلقة نشا كبيرة
واضرب فى الخلاط بقت بديل للكريمة البانى
نرجع لوصفتنا
طبعا كل واحدة مننا ليها لمستها الخاصة
انابدلت حاجة بحاجة وطلعت تحفة
يلا نشمر
جمبرى
مكرونة مسلوقة اى نوع انا عملت قواقع صغننة
توم وجنزبيل
فلفل اسود وملح
1 كوب كريمة لبانى
2 معلقة زيت
1 كوب ماء
معلقة كاتشب حار
الطريقة
حطى الزيت فى طاسة وحطى الجمبرى يادوب يتغير لونة حطة التوم و الجنزبيل
3دقايق وحطى كوباية الميا وسبيهم لحد ما الجمبرى يشرب الميا وحطى الكريمة و الملح و الفلفل الاسود ومعلقة الكاتشب الحار
ويادوب الخليط يتقل شوية ضيفى المكرونة المسلوقة ويادوب تسخن مع بعضيها اغرفيها
ملحوظة
ممكن تضيفى جبنة موتزريلا فوق الوش او بقدونش وممكن الاتنين
وبديل لكاتشب الحار ممكن صويا صوص
وبالف هنا
و الطبق مش بياخد ربع ساعة

طريقة سهلة وبسيطة لعمل المكرونة بالجمبرى و الكريمة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *