طريقة عمل المكرونة السى فود من خلود

طريقة عمل المكرونة السى فود من خلود

خلووووووووووود

المقادير:
مكرونة فيونكة او اى نوع تحبيه – سى فود جمبرى او كليمارى اوجندفولى او اخطبوط اى نوع من انواع فواكه البحر – ثوم رستو بالزيت بتاعه – بقدونس مقطع ناعم – ريحان مقطع شرائح رفيعة – ثوم عادى – بصل مفروم بالكبة – طماطم شيرى – زيت زيتون – ملح وفلفل

الطريقة:

نسلق المكرونة بتاعتنا فى ماية وقليل من الملح والزيت ونقلبها علشان مش تلزق فى بعض زيت الزيتون يسخن على النار ويوضع الثوم العادى المفروم ويحمر خفيف بعد كدة نضيف البصل ونقلب شوية وبعدين نضيف فواكه البحر وفلفل اسود ونشوح السى فود ونهدى النار لغاية لما السى فود يستوى ويتشوح ويشرم الماية بتاعته ولما تقل نضع الثوم الرستو بالزيت بتاعه والملح حسب رغبتنا ونضع معاهم الطماطم الشيرى ويقلب جيدا بعد ما المكرونة تتسلق نحطها عليهم ونقلب المكرونة مع السى فود ولو محتاجة شوية فلفل اسود نحط وفى الاخر نضع البقدونس والريحان ونقلبهم مع بعض ويقدم وبالف هنا وشفا

طريقة عمل المكرونة السى فود من خلود

من اختكم خلووووووووووود وارجو الردود والتقييم وبكل صراحة وقولولى ايه رايكم فى اكلاتى اللى على المنتدى وارجو الصراحة وشكرا لقراتكم لموضوعاتى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *