محتارة تعملي غدا ايه بكرة تعالي ورايا
SHATSHAT
بسم الله الرحمن الرحيم انا بصراحة فكرت اعمل الموضوع ده عشان نرحم أجوازنا شوية كل يوم تاكل ايه بكرة تاكل ايه بكرة لما خلاص زهق من السؤال ده و انا كمان زهت قلت بقي انا و الفتوكات الحلوات نحل المشكلة دي سوا كل واحده تدخل تكتب زي منيو بالاكل اللي بتعمله بس من غير الطريقة مجرد عنواين بس و اللي محتاجة طريقة حاجة حد كتابها تسأل و صاحبة المنيو ترد المهم نحاول ننزل كل واحده 10 وجبات مختلفة عن بعض يعني نقرا المنيو بتاع غيرنا عشان منكررش نفس الاكل و نحط في المنيو الاكله باكل حاجة بتعمليها جمبها و انا عن نفسي هبدا الأول
1 ) مكرونة بالفراخ و المشروم و البشاميل فالفرن + كفتة مشوية برده في الفرن + سلطة طحينة
2 ) أرز بالكبد و القوانص + سلطة خضرا
3 ) سمك مقلي فيليه + أرز بالبصلة + سلطة طحينة
4 ) أرز أبيض + ملوخية + فراخ محمرة + باذنجان مخلل
5 ) أرز بالشعرية + طاجن باميه فالفرن + سلطة خضرا + مخلل جاهز مش عملاه
6 ) جلاش محشي لحمة مفرومة و بصل و فلفل أخضر وزيتون أسود + مخللل جاهز
7 ) مكرونة بالصلصة + كبده أسكندراني + سلطة خضرا
8 ) كبسة باللحمة + صوص طماطم + سلطة ثوميه
9 ) حوواوشي + مخلل
10 ) فتة باللحمة + سلطة خضرا
* أنا كده خلصت منيو ب 10 وجبات انا طالبة من كل فاتوكة تحط لنا منيو بعنواين بس يعني افكار عشان نعرف هنعمل ايه و بعد كده لو حد عنده سؤال في طريقة أكله نسأل صاحبة المنيو و بالهنا و الشفا
5 تعليقات